Ansyen Prezidan Ayiti Michel Martelly retounen Ayiti jodi 15 jiyè 2026, apre plizyè ane li te pase sitou Ozetazini. Retou li a te atire anpil atansyon, kote plizyè dizèn sipòtè te vin resevwa l nan ayewopò a ak chante, pankat ak slogan pou salye arive li.
Jiskaprezan, Michel Martelly pa bay okenn deklarasyon ofisyèl sou rezon ki fè li retounen nan peyi a. Sepandan, plizyè medya rapòte li ta ka vin bay temwayaj nan kad ankèt k ap kontinye sou asasina ansyen Prezidan Jovenel Moïse. Daprè enfòmasyon ki disponib, li pa akize ni pouswiv nan dosye sa a.
Retou ansyen chèf deta a fèt nan yon moman kote Ayiti kontinye ap fè fas ak gwo kriz sekirite, enstabilite politik ak vyolans gang. Malgre sanksyon Kanada, Etazini ak Inyon Ewopeyen te pran kont li nan ane ki sot pase yo pou akizasyon ki gen rapò ak koripsyon, trafik dwòg ak sipò bay gang—akizasyon li pa t reponn piblikman—retou li a deja relanse anpil deba sou sèn politik ayisyen an.
Zen San Kanpe 