New York, Etazini — Tout fanatik foutbòl atravè mond lan ap tann avèk anpil eksitasyon gwo final Koup di Mond FIFA 2026 la, kote Ajantin pral rankontre Espay dimanch 19 jiyè a.
Ajantin rive nan final la apre li elimine Angletè nan demi final la, pandan Espay te bat Lafrans pou l jwenn plas li nan dènye match konpetisyon an. De seleksyon sa yo montre yon gwo nivo jwèt pandan tout tounwa a, sa ki fè final la sanble ap youn nan pi bèl match ane a.
Fanatik Ajantin yo espere ekip yo a ap rive ajoute yon lòt tit mondyal nan palmarès li, tandiske Espay vle retounen sou twòn foutbòl mondyal la apre yon bèl kanpay.
Anpil gwo jwè pral sou teren an pou ede ekip yo chèche viktwa a. Match la pwomèt anpil emosyon, bèl aksyon ak yon batay san pran souf pou twofe ki pi enpòtan nan foutbòl mondyal la.
Rete branche ak Zen San Kanpe pou tout dènye nouvèl, analiz ak rezilta final Koup di Mond FIFA 2026 la.
Zen San Kanpe 