Depatman Sekirite Enteryè Etazini (DHS) anonse li pwolonje validite kèk kat otorizasyon travay (Employment Authorization Documents – EAD) rive 24 Jiyè, sa ki bay plizyè milye benefisyè, espesyalman moun ki anba pwogram TPS, yon ti soulajman pandan pwosedi legal yo ap kontinye.
Desizyon sa a pèmèt moun ki konsène yo kontinye travay legalman pou yon peryòd tan limite, pandan gouvènman ameriken an ak tribinal yo ap kontinye trete dosye ki gen rapò ak avni pwogram TPS la.
Anpil òganizasyon kominotè ak defansè dwa imigran yo akeyi pwolongasyon sa a, men yo kontinye mande yon solisyon ki pi dirab pou evite ensètitid k ap afekte fanmi ak travayè yo.
Zen San Kanpe ap kontinye swiv dosye sa a epi n ap pote tout nouvo enfòmasyon yo ba ou depi yo disponib.
Zen San Kanpe 