Washington, D.C. – 30 jen 2026 — Lakou Siprèm Etazini an rann yon desizyon istorik ki anile dekrè Prezidan Donald Trump te siyen pou retire birthright citizenship, sa vle di dwa prèske tout timoun ki fèt sou tè Ameriken genyen pou yo vin sitwayen ameriken otomatikman.
Nan desizyon an, majorite jij yo fè konnen dekrè sa a pa respekte 14yèm Amannman Konstitisyon Etazini an, ki garanti sitwayènte pou prèske tout moun ki fèt Ozetazini, kèlkeswa estati imigrasyon paran yo. (Reuters)
Desizyon sa a reprezante yon gwo revers pou administrasyon Donald Trump, ki te vle mete fen nan sitwayènte otomatik pou timoun ki fèt Ozetazini nan fanmi ki pa gen dokiman legal oswa ki gen viza tanporè. Jij yo raple ke yon prezidan pa ka chanje yon dwa konstitisyonèl sèlman ak yon dekrè egzekitif. (Reuters)
Anpil òganizasyon k ap defann dwa imigran yo salye desizyon an kòm yon gwo viktwa pou Konstitisyon an ak pou dè milyon fanmi ki ap viv Ozetazini. Pandanstan, Donald Trump fè konnen li pa dakò ak desizyon an epi li pral kontinye chèche lòt mwayen legal pou avanse politik li sou imigrasyon. (The Guardian)
Desizyon Lakou Siprèm nan konfime yon prensip ki egziste depi plis pase 150 ane: prèske tout timoun ki fèt sou tè Ameriken rete sitwayen ameriken depi yo fèt.
Zen San Kanpe 