Aktris, chantèz ak antreprenè ayisyèn Blondedy Ferdinand te atire anpil atansyon pandan prezans li nan BET Awards 2026, ki te dewoule nan vil Los Angeles. Li te parèt sou tapi wouj la ak yon rad elegant ki fè anpil moun sou rezo sosyal yo salye stil li ak prezans li.
Plizyè fanatik ayisyen ak etranje te felisite Blondedy pou fason li kontinye reprezante Ayiti sou sèn entènasyonal la. Foto ak videyo li yo te sikile anpil sou rezo sosyal yo, kote anpil moun te dekri li kòm youn nan bèl prezans nan evènman an.
BET Awards se youn nan pi gwo seremoni ki selebre ekselans atis, aktè, atlèt ak lòt pèsonalite ki kontribye nan kilti nwa atravè mond lan. Edisyon 2026 la te reyini anpil gwo vedèt nan mizik, sinema ak televizyon.
Prezans Blondedy Ferdinand nan yon evènman prestijye konsa se yon lòt etap enpòtan nan karyè li, epi li bay anpil Ayisyen fyète lè li kontinye fè non peyi a briye sou plan entènasyonal.
Zen San Kanpe 