Jodi a, 7 jiyè 2026, make senkyèm anivèsè asasina ansyen Prezidan Jovenel Moïse, ki te mouri lakay li nan Pèleren, nan komin Pòtoprens, nan nuit 6 pou rive 7 jiyè 2021.
Lanmò li te kreye yon gwo kriz politik ak sekirite ann Ayiti. Depi lè sa a, plizyè ankèt te louvri ni ann Ayiti ni aletranje pou chèche idantifye tout moun ki te patisipe nan konplo a ak moun ki te finanse zak la.
Senk ane apre trajedi sa a, anpil Ayisyen kontinye mande pou verite a parèt ak pou tout responsab yo rann kont devan lajistis. Dosye a rete youn nan pi gwo dosye jidisyè nan listwa resan peyi a.
Nan okazyon senkyèm anivèsè sa a, anpil sitwayen, òganizasyon ak pèsonalite ap rann omaj ak ansyen prezidan an pandan y ap renouvle apèl yo pou jistis ak pou lapè retounen ann Ayiti.
Zen San Kanpe 