FIFA pran yon desizyon ki fè anpil moun ap pale apre li leve sispansyon atakan ameriken an, Folarin Balogun. Malgre li te resevwa yon katon wouj nan match Etazini te genyen kont Bosni ak Erzegovin, FIFA anonse jwè a ap disponib pou rankont 1/8 final la kont Bèljik.
Desizyon sa a vini apre gwo polemik sou katon wouj la. Anpil analis, ansyen abit ak sipòtè te estime desizyon an te twò sevè. FIFA fè konnen li sispann aplikasyon pinisyon an pandan yon peryòd pwobasyon yon ane, sa vle di Balogun ka jwe, men si li fè yon fot grav menm jan an pandan peryòd sa a, sanksyon an ka retounen.
Desizyon an deja pwovoke anpil reyaksyon nan mond foutbòl la. Gen moun ki salye chwa FIFA a kòm yon fason pou korije yon erè, tandiske lòt moun kwè li kreye yon presedan ki ka fè anpil deba sou règ disiplinè yo.
Kounye a, tout je ap gade sou match ant Etazini ak Bèljik la, kote Folarin Balogun espere ede seleksyon ameriken an kontinye avanse nan koup di mond lan.
Zen San Kanpe 