Mezon Blan an ap kontinye fè efò pou jwenn sipò nan men Kongrè Etazini konsènan dosye Birthright Citizenship la, ki se dwa yon timoun jwenn sitwayènte ameriken lè li fèt sou tè Etazini, jan sa prevwa nan 14yèm Amannman Konstitisyon ameriken an.
Dapre diskisyon k ap fèt yo, administrasyon an vle travay ansanm ak palmantè yo pou chèche yon chemen legal sou kestyon sa a. Dosye a kontinye fè gwo deba nan mitan responsab politik yo, paske nenpòt chanjman ta ka gen gwo konsekans sou sistèm imigrasyon peyi a.
Plizyè manm Kongrè a gen opinyon diferan sou sijè a. Gen kèk ki kwè lwa aktyèl la dwe rete jan li ye a, tandiske lòt yo estime refòm nesesè. Nenpòt gwo chanjman sou kestyon birthright citizenship la ta dwe respekte pwosedi legal ak desizyon tribinal yo.
Pandan deba a ap kontinye, anpil moun ap suiv evolisyon dosye sa a avèk anpil atansyon, paske li kapab gen enpak sou avni politik imigrasyon Ozetazini.
Zen San Kanpe 